مغربی کنارہ: (رائیٹ ناوٴ نیوز) اسرائیلی فوج کا بلیک ہاک ہیلی کاپٹر مغربی کنارے کے گش عتصیون علاقے میں ریکوری آپریشن کے دوران گر کر تباہ ہو گیا۔ فوج کے مطابق ہیلی کاپٹر کو واپس لانے کی کوشش میں حادثہ پیش آیا، تاہم کوئی اہلکار زخمی نہیں ہوا۔

فوج نے بتایا کہ ہیلی کاپٹر نے شدید موسم کے باعث ہنگامی لینڈنگ کی تھی، اور جمعرات کو ریکوری آپریشن کے دوران اچانک گر کر تباہ ہو گیا۔

اسرائیلی فضائیہ کے سربراہ میجر جنرل تومر بار نے حادثے کی وجوہات جاننے کے لیے تحقیقاتی کمیٹی قائم کرنے کا حکم دیا ہے۔ بلیک ہاک ہیلی کاپٹرز، جو اسرائیلی فضائیہ میں ینشوف کہلاتے ہیں، نقل و حرکت کے لیے استعمال ہوتے ہیں۔