لاہور: (رائیٹ ناوٴ نیوز) پنجاب میں گھروں میں چوری کی وارداتیں سب سے زیادہ رپورٹ ہونے والا جرم بن گئی ہیں۔ 2025 کے دوران صوبے میں 67 ہزار 381 چوری کی وارداتیں ریکارڈ ہوئیں، جن میں روزانہ اوسطاً 185 سے زائد گھر متاثر ہوئے۔

پولیس کے مطابق لاہور میں گزشتہ سال 22 ہزار 584 چوری کی وارداتیں ہوئیں جبکہ ملتان میں 4957 اور فیصل آباد میں 4881 وارداتیں رپورٹ ہوئیں۔

پولیس نے بتایا ہے کہ گھروں میں چوری کی زیادہ تر وارداتیں موسم گرما میں ہوئیں۔ ان کے روک تھام کے لیے سابقہ ریکارڈ یافتہ ملزمان کی گرفتاری سمیت دیگر اقدامات کیے جا رہے ہیں۔