واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے ایران کو خبردار کیا ہے کہ اگر مظاہرین کو پھانسی دی گئی تو امریکا سخت کارروائی کرے گا۔ انہوں نے کہا کہ انہیں ابھی تک پھانسیوں کی کوئی رپورٹ نہیں ملی، لیکن اگر ایسا ہوا تو اس کے سنگین نتائج ہوں گے۔

صدر ٹرمپ نے کہا کہ ایران میں جاری صورتحال تشویشناک ہے اور اگر ہزاروں لوگوں کو قتل کیا گیا تو اس کا ایران کے لیے کوئی اچھا نتیجہ نہیں نکلے گا۔ انہوں نے ایرانی مظاہرین کو حکومت کے خلاف بغاوت پر اکسایا اور کہا کہ امریکی مدد جلد پہنچے گی۔

امریکی صدر نے اپنے شہریوں اور اتحادیوں کو ایران سے نکلنے کی ہدایت بھی کی ہے۔ ایرانی حکام نے امریکی ساختہ دھماکہ خیز مواد اور اسلحہ برآمد کرنے کا دعویٰ کیا ہے۔

ایران میں ہونے والی ہلاکتوں کی تعداد ابھی واضح نہیں، لیکن صدر ٹرمپ نے کہا کہ 24 گھنٹوں میں مکمل تفصیلات حاصل کر لی جائیں گی۔