لاہور: (رائیٹ ناوٴ نیوز) ملک بھر میں سردی کی شدید لہر جاری ہے، بالائی علاقوں میں پارہ نقطہ انجماد سے نیچے گر گیا۔ لہہ میں درجہ حرارت منفی 12، سکردو میں منفی 10، گوپس میں منفی 9، استور میں منفی 8، گلگت میں منفی 7، بگروٹ اور ہنزہ میں منفی 6 جبکہ قلات میں منفی 5 ڈگری ریکارڈ کیا گیا۔ مری میں درجہ حرارت منفی ایک، جبکہ کوئٹہ اور مظفر آباد میں صفر ڈگری رہا۔ اسلام آباد اور پشاور میں ایک ڈگری، جبکہ لاہور اور سکھر میں درجہ حرارت دو ڈگری ریکارڈ کیا گیا۔