لاس اینجلس: (رائیٹ ناوٴ نیوز) ہالی وڈ کے معروف اداکار مارک رُفالو نے گولڈن گلوب ایوارڈز میں شرکت کے دوران سابق امریکی صدر ڈونلڈ ٹرمپ پر سخت تنقید کی ہے۔

روفالو، جو ایچ بی او کی سیریز ‘ٹاسک’ میں نامزد تھے، نے ایک تقریب میں رینی نیکول گڈ کی یاد میں ‘بی گڈ’ پن پہنا، جو منی ایپلس میں ایک اہلکار کے ہاتھوں ہلاک ہوئیں۔ انہوں نے کہا کہ امریکہ کی موجودہ صورتحال معمول کے مطابق نہیں رہی اور اس پر خاموش رہنا ممکن نہیں۔

مارک رُفالو نے ٹرمپ کی قیادت کو بین الاقوامی قانون کی عدم پاسداری پر تنقید کا نشانہ بنایا اور انہیں ‘بدترین انسان’ قرار دیا۔ انہوں نے کہا کہ ملک کی قیادت ذاتی مفادات کو ترجیح دے رہی ہے، جس سے عوام میں خوف و بے چینی پھیل رہی ہے۔

روفالو کی تقریر نے سیاسی مباحث کو مزید گرما دیا ہے، جب کہ دیگر فنکاروں نے بھی احتجاجی پیغامات والے پن پہن رکھے تھے تاکہ رینی گڈ کی موت اور امریکی معاشرتی کشیدگی پر روشنی ڈالی جا سکے۔