لاہور: (رائیٹ ناوٴ نیوز) معروف پاکستانی یوٹیوبر رجب بٹ نے سوشل میڈیا پر اپنی شادی اور خاندانی معاملات پر پھیلنے والی افواہوں کے جواب میں خاموشی توڑ دی ہے۔ انسٹاگرام اسٹوریز پر جاری بیان میں رجب بٹ نے اپنے سالے شیخ عون کو تنقید کا نشانہ بنایا اور کہا کہ ان کے پاس ریکارڈنگز، اسکرین شاٹس اور چیٹس موجود ہیں جو حقائق کو واضح کرتے ہیں۔

رجب بٹ نے کہا کہ خاندان کے افراد، بشمول ان کی والدہ، بہن اور نو ماہ کے بیٹے کیوان، بغیر وجہ کے الزامات اور تنقید کا سامنا کر چکے ہیں۔ انہوں نے زور دیا کہ ان کی بیوی اور بیٹے کو اس تنازع میں شامل نہ کیا جائے۔

انہوں نے وضاحت کی کہ کیوان کو وی لاگز میں نہ دکھانے کی وجہ ان کی بیوی کی خواہش تھی، جس کے باعث انہیں تنقید کا سامنا کرنا پڑا۔ رجب بٹ نے کہا کہ یہ معاملہ اب آخری بار سامنے لایا جا رہا ہے اور انہوں نے لوگوں کو اللہ کا خوف کرنے کی تلقین کی۔

انہوں نے اپنی شادی کے مستقبل پر عدم یقین کا اظہار کیا، مگر کہا کہ اگر یہ رشتہ قائم رہا تو صرف اللہ کے حکم سے۔

رجب بٹ کی شادی دسمبر 2024 میں ہوئی تھی اور حال ہی میں وہ بیرون ملک سے پاکستان واپس آئے ہیں، جہاں مختلف کیسز کا سامنا کر رہے ہیں۔