نیند میں رال بہنا عام ہے اور گہری نیند کی علامت ہو سکتی ہے، مگر بار بار ہونے پر صحت کے مسائل کی نشانی ہو سکتی ہے۔
کراچی: (رائیٹ ناوٴ نیوز) سوتے وقت تکیے پر رال دیکھنا بعض اوقات شرمندگی کا باعث بنتا ہے، مگر یہ عام مسئلہ ہے۔ طبی ماہرین کے مطابق نیند میں رال بہنے کو Sialorrhea کہا جاتا ہے اور یہ گہری نیند یا صحت کے مسائل کی نشانی ہو سکتی ہے۔
نیند میں رال بہنا چہرے کے پٹھوں کی ڈھیلاپن، منہ سے سانس لینے یا غلط نیند کی پوزیشن کا نتیجہ ہو سکتا ہے۔ تاہم، اگر یہ بار بار ہوتا ہے تو یہ ناک بند ہونے، معدے کی تیزابیت، یا اعصابی بیماریوں کی علامت ہو سکتا ہے۔
ماہرین کے مطابق دماغی یا اعصابی مسائل جیسے اسٹروک، پارکنسن اور ملٹی پل اسکلروسیس کے باعث بھی رال بہہ سکتی ہے۔ انفیکشنز، الرجی اور ناک کا بند ہونا بھی اس کی وجوہات میں شامل ہیں۔
رال بہنے سے بچنے کے لیے صحیح نیند کی پوزیشن، ناک کو کھلا رکھنا، ہائیڈریٹ رہنے اور دواؤں کے اثرات کا جائزہ لینے کی تجویز دی گئی ہے۔ اگر رال کے ساتھ سانس لینے میں مشکل یا نیند کی کمی ہو تو ڈاکٹر سے رجوع کریں۔
