لاس ویگاس: (رائیٹ ناوٴ نیوز) ٹائنی کمپنی نے کنزیومر الیکٹرونکس شو میں ہتھیلی کے حجم کا اے آئی پاکٹ لیب سپر کمپیوٹر پیش کیا ہے، جو دنیا کے سب سے چھوٹے کمپیوٹر کا گنیز ورلڈ ریکارڈ رکھتا ہے۔ اس کمپیوٹر کو Albersweiler کمپنی نے تیار کیا ہے اور یہ مختلف اے آئی ماڈلز پر چلنے کی صلاحیت رکھتا ہے۔\n\nیہ کمپیوٹر 80 جی بی ریم اور ایک ٹی بی اسٹوریج کے ساتھ آتا ہے، اور برق رفتاری سے تصاویر، ویڈیو ماڈلز، اور لینگوئج ماڈلز پر کام کر سکتا ہے۔ تھرمل ڈیزائن اور توانائی کی بچت کی خصوصیات کے باعث یہ کمپیوٹر خودمختاری سے اے آئی پراسیس مکمل کرتا ہے، جس سے کسی بیرونی سرور کی ضرورت نہیں پڑتی۔\n\nکمپنی نے پرائیویسی کو مدنظر رکھتے ہوئے اس کمپیوٹر کو کلاؤڈ جی پی یوز کے بغیر چلانے کی صلاحیت فراہم کی ہے، جس سے سبسکرپشن فیس اور بیرونی سرورز کی ضرورت ختم ہو جاتی ہے۔ اس کی قیمت 1399 ڈالرز رکھی گئی ہے اور اسے جلد ہی کک اسٹارٹر کمپین میں فروخت کے لیے پیش کیا جائے گا۔