کراچی: (رائیٹ ناوٴ نیوز) معروف ٹیلی ویژن میزبان ندا یاسر نے حالیہ انٹرویو میں انکشاف کیا کہ دبئی سے ہیئر ایکسٹینشنز لگوانے کے بعد انہیں سر میں جوؤں کی بھرمار کا سامنا کرنا پڑا۔ انہوں نے بتایا کہ شیمپو کے باوجود ایکسٹینشنز کے نم حصے جوؤں کے لیے موزوں جگہ بن گئے، جس کے بعد فوری طور پر پارلر جا کر انہیں نکلوا دیا۔

سوشل میڈیا پر اس انکشاف پر مختلف ردعمل سامنے آئے۔ کچھ صارفین ندا یاسر کی صفائی کی عادت کو سراہ رہے ہیں، جبکہ دوسرے ان کے ذاتی تجربات شیئر کرنے پر تنقید کر رہے ہیں۔

ندا یاسر مارننگ شوز کی مقبول ترین میزبانوں میں شمار ہوتی ہیں اور وہ گزشتہ 17 سال سے مسلسل یہ شو کر رہی ہیں۔ ان کے غیر معمولی بیانات سوشل میڈیا پر اکثر بحث کا سبب بنتے ہیں۔