واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے بدھ کو بھارتی وزیر اعظم نریندر مودی پر طنز کرتے ہوئے ایک ملاقات کا ذکر کیا، جس میں بھارتی وزیر اعظم نے امریکی صدر سے ملاقات کی درخواست کی تھی۔

ٹرمپ نے ہاؤس جی او پی ممبرز ریٹریٹ سے خطاب کرتے ہوئے کہا کہ مودی نے 68 اپاچی اٹیک ہیلی کاپٹرز کا آرڈر دیا تھا اور پانچ سال انتظار کیا۔ انہوں نے مزید کہا کہ مودی ان سے اس لیے خوش نہیں ہیں کیونکہ بھارت نے روسی تیل کی درآمدات روک دی ہیں اور امریکہ کو محصولات سے فائدہ ہو رہا ہے۔

بھارتی کانگریس پارٹی نے سوشل میڈیا پر ایک کارٹون شیئر کیا جس میں مودی کو شرمیلا دکھایا گیا۔ کانگریس نے الزام لگایا کہ مودی بغیر دعوت کے امریکہ گئے تھے۔

امریکہ نے روسی تیل کی خریداری پر بھارت پر 50 فیصد محصولات عائد کیے ہیں، جس سے دونوں ممالک کے تعلقات میں کشیدگی پیدا ہوئی ہے۔