لاس اینجلس: (رائیٹ ناوٴ نیوز) مارول اسٹوڈیوز کی نئی فلم ‘ایونجرز: ڈومز ڈے’ کے تازہ ترین ٹیزر نے مداحوں میں جوش و خروش پیدا کر دیا ہے۔ اس ٹیزر میں جیمز مارسڈن کی ایکس مین کے کردار ‘سائیکلوپس’ کی واپسی کی باضابطہ تصدیق کی گئی ہے۔

یہ ٹیزر واضح کرتا ہے کہ ایکس مین مکمل طور پر مارول سنیماٹک یونیورس میں واپس آ چکے ہیں۔ اس سے قبل کرس ہیمسورتھ (تھور) اور کرس ایونز (اسٹیو راجرز) کی واپسی بھی سامنے آ چکی ہے، جو مارول کے اگلے مرحلے کی اہمیت کو بڑھاتی ہیں۔

فلم میں ایکس مین اور فینٹاسٹک فور سمیت مختلف دنیاؤں کے ہیروز ڈاکٹر ڈوم کے خلاف متحد ہوں گے، جن کا کردار رابرٹ ڈاؤنی جونیئر ادا کر رہے ہیں۔

‘ایونجرز: ڈومز ڈے’ اس سال 18 دسمبر کو سینما گھروں کی زینت بنے گی۔