اسلام آباد: (رائیٹ ناوٴ نیوز) حکومت پاکستان نے عالمی مالیاتی فنڈ (آئی ایم ایف) کے قرض پروگرام میں تبدیلیوں کے لیے مشاورت شروع کر دی ہے۔ وزارت خزانہ نے معاشی گروتھ بڑھانے، سرمایہ کاری کو راغب کرنے اور بجلی کے نرخوں میں کمی کے لیے تجاویز تیار کی ہیں۔

حکومت بیروزگاری، غربت میں کمی، ٹیکس رعایت اور پالیسی ریٹ میں کمی کے لیے بھی غور کر رہی ہے تاکہ ملکی معیشت میں استحکام لایا جا سکے۔ آئی ایم ایف سے قرض پروگرام میں نرمی کے لیے اقدامات کیے جا رہے ہیں۔

وزارت خزانہ نے وزیراعظم شہباز شریف کو اس حوالے سے تجاویز بھیج دی ہیں تاکہ معیشت کو ترقی کی راہ پر گامزن کیا جا سکے۔ حکومت کے دو سال مکمل ہونے کے بعد تیسرے سال میں معاشی گروتھ کے مزید اقدامات زیر غور ہیں۔

حکومت کی اس حکمت عملی کا مقصد آئی ایم ایف پروگرام کی شرائط کے مطابق ملکی معیشت کو بہتر بنانا ہے تاکہ پائیدار ترقی کی راہ ہموار ہو سکے۔