راولپنڈی: (رائیٹ ناوٴ نیوز) چیئرمین پی ٹی آئی بیرسٹر گوہر نے کہا ہے کہ اگر پانچ بڑوں کی ملاقات تک بات آ گئی ہے تو اسے نہ ہی سمجھا جائے۔ انہوں نے میڈیا سے گفتگو کرتے ہوئے کہا کہ ملاقاتوں کی اجازت نہ ملنے کی صورت میں مذاکرات کیسے ممکن ہیں۔ ہم ہر منگل کو بانی عمران خان سے ملنے آتے ہیں لیکن ملاقات نہیں ہو پاتی۔

بیرسٹر گوہر نے کہا کہ ملاقاتوں کو متنازع بنا کر حالات کی بہتری کی کوششوں کو ناکام بنایا جا رہا ہے۔ انہوں نے اعلان کیا کہ 8 فروری کو ملک گیر شٹر ڈاؤن اور پہیہ جام ہڑتال کی جائے گی۔

انہوں نے کہا کہ عمران خان سے ان کی بہنوں اور وکلا کی ملاقات ضروری ہے اور قومی اسمبلی و سینیٹ میں کچھ نوٹیفکیشنز جاری کیے جائیں۔ انہوں نے مزید کہا کہ پارٹی کے لوگ کسی کانفرنس میں شرکت نہیں کریں گے اور احتجاج ہمارا حق ہے۔

علیمہ خان نے کہا کہ عمران خان کو قید تنہائی میں رکھ کر آئین کی خلاف ورزی کی جا رہی ہے اور ملکی معیشت تباہ ہو چکی ہے۔ انہوں نے اپیل کی کہ پولیس غیرقانونی احکامات نہ مانے۔

آج پی ٹی آئی کارکنان اڈیالہ جیل میں عمران خان اور بشریٰ بی بی سے ملاقات کے لیے پہنچے ہیں جبکہ پولیس نے راستے بند کر دیے ہیں۔ کارکنان کی جانب سے دھرنا اور قرآن خوانی کی جا رہی ہے۔