اسلام آباد: (رائیٹ ناوٴ نیوز) کیپیٹل ڈیولپمنٹ اتھارٹی (سی ڈی اے) نے پولن الرجی کے باعث جنگلی شہتوت کے درختوں کی کٹائی کے لیے ٹینڈر جاری کیا ہے۔ سپریم کورٹ کے احکامات کے تحت ان درختوں کی جگہ مقامی درخت لگائے جائیں گے۔

سی ڈی اے ذرائع کے مطابق ٹھیکیدار نے تقریباً چار ایکڑ زمین پر موجود تمام درخت کاٹ ڈالے ہیں۔ یہ کٹائی بغیر مارکنگ یا شناخت کے کی گئی ہے، جس سے علاقے کو ہر درخت سے خالی کر دیا گیا۔

یہ اقدام پولن الرجی کے مسائل کو کم کرنے کے لیے اٹھایا گیا ہے، لیکن کٹائی کے دوران کی گئی غلطی سے ماحول پر منفی اثرات مرتب ہو سکتے ہیں۔