کراچی: (رائیٹ ناوٴ نیوز) سردیوں میں روم ہیٹر کا استعمال بڑھ جاتا ہے، لیکن اس کے غلط استعمال سے بڑے حادثات پیش آ سکتے ہیں۔ ہیٹر کی غلط جگہ پر تنصیب یا اوورلوڈنگ سے آگ لگنے، کرنٹ لگنے اور دم گھٹنے کے واقعات سامنے آتے ہیں۔ ماہرین کے مطابق، احتیاطی تدابیر اپنا کر ان خطرات سے بچا جا سکتا ہے۔

ہیٹر کو ہمیشہ سیدھی اور مضبوط جگہ پر رکھنا چاہیے اور اسے پردوں، بستر اور لکڑی کے فرنیچر سے کم از کم تین فٹ دور رکھیں۔ ہیٹر کو براہ راست دیوار کے ساکٹ میں لگائیں اور ایکسٹینشن بورڈ استعمال نہ کریں۔

کمرے میں ہوا کا مناسب گزر رکھیں تاکہ آکسیجن کی کمی نہ ہو اور سوتے وقت ہیٹر بند رکھیں۔ ہیٹر پر کپڑے سکھانا آگ لگنے کا سبب بن سکتا ہے۔

تھوڑی سی احتیاط اور درست عادات اپنا کر روم ہیٹر کو محفوظ طریقے سے استعمال کیا جا سکتا ہے، جس سے سردیوں میں گرمائش بھی حاصل ہوگی اور حادثات سے بھی بچا جا سکے گا۔