نیویارک: (رائیٹ ناوٴ نیوز) پاکستان نے وینزویلا کی موجودہ صورتحال پر گہری تشویش ظاہر کی ہے۔ پاکستان کے قائم مقام مستقل مندوب عثمان جدون نے سلامتی کونسل کے اجلاس میں کہا کہ وینزویلا میں جاری کارروائیاں عالمی امن کے لیے خطرہ بن سکتی ہیں۔

عثمان جدون نے کہا کہ سیاسی اختلافات کا حل مکالمہ اور سفارتکاری میں ہے۔ انہوں نے مزید کہا کہ وینزویلا کی حالیہ پیش رفت عالمی امن و سلامتی کے لیے نیک شگون نہیں ہے۔

انہوں نے اقوام متحدہ کے منشور کی اہمیت پر زور دیا اور کہا کہ یکطرفہ فوجی کارروائیاں عالمی قانون کے اصولوں کی خلاف ورزی کرتی ہیں۔

عثمان جدون نے کہا کہ ایسے اقدامات عدم استحکام کو ہوا دیتے ہیں جس کے نتائج غیر متوقع ہو سکتے ہیں۔ اس موقع پر مکالمہ اور سفارتکاری کو ترجیح دی جائے۔