واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے واضح کیا ہے کہ امریکا وینزویلا کے ساتھ حالت جنگ میں نہیں اور وہاں فوج بھیجنے کے لیے کسی نئی قانون سازی کی ضرورت نہیں ہے۔

اس انکشاف کا اظہار انہوں نے این بی سی نیوز کو انٹرویو دیتے ہوئے کیا، جہاں انہوں نے بتایا کہ وینزویلا میں آئندہ 30 دنوں کے دوران کوئی نئے انتخابات نہیں ہوں گے۔ ان کا کہنا تھا کہ امریکا کی جنگ منشیات کے عادی افراد کے خلاف ہے، نہ کہ وینزویلا کے خلاف۔

ڈونلڈ ٹرمپ نے مزید کہا کہ وینزویلا کے انرجی سیکٹر کی بحالی کے لیے امریکی تیل کمپنیاں مدد کر سکتی ہیں، اور یہ بحالی 18 ماہ سے بھی کم وقت میں ممکن ہے۔