لاہور: (رائیٹ ناوٴ نیوز) پاکستان کرکٹ ٹیم کے سابق کپتان شاہد آفریدی نے بنگلادیش کے ٹی ٹوئنٹی ورلڈکپ کے لئے بھارت نہ جانے کے فیصلے کی حمایت کی ہے۔ انہوں نے کہا کہ بھارت کی جانب سے کرکٹ میں سیاست لانا دنیائے کرکٹ کے لئے شرمندگی کا باعث ہے۔

شاہد آفریدی نے کہا کہ بنگلادیش کا اپنی ٹیم کو بھارت نہ بھیجنا درست فیصلہ ہے۔ انہوں نے زور دیا کہ آئی سی سی کو بھارت کی طرف جھکاؤ ختم کرنا چاہیے اور کرکٹ کو سیاست سے پاک رکھنا چاہیے۔

واضح رہے کہ بنگلادیش کے فاسٹ بولر مستفیض الرحمان کو دھمکیوں کے بعد آئی پی ایل سے نکالے جانے پر بنگلادیش کرکٹ بورڈ نے ہنگامی اجلاس کے بعد ٹی ٹوئنٹی ورلڈکپ کے لئے اپنی ٹیم کو بھارت نہ بھیجنے کا فیصلہ کیا۔