نیویارک: (رائیٹ ناوٴ نیوز) انسٹاگرام کے سربراہ ایڈم موسیری نے کہا ہے کہ آرٹیفیشل انٹیلی جنس کی بڑھتی ہوئی تصاویر کی وجہ سے ان کی تصدیق مشکل ہو رہی ہے۔

انہوں نے انسٹاگرام پر ایک پوسٹ میں بتایا کہ فوٹوگرافی میں اے آئی کا استعمال بڑھ رہا ہے اور حقیقی تصاویر کی شناخت کرنا مشکل ہوتا جا رہا ہے۔

ایڈم موسیری نے اظہار کیا کہ انسٹاگرام کو اس خطرے کا سامنا ہے کہ یہ پلیٹ فارم دنیا کی تیزرفتار تبدیلی سے مطابقت نہیں رکھ پا رہا۔

انہوں نے مزید کہا کہ اے آئی کے باعث حقیقی اور تیار کردہ تصاویر کے درمیان فرق کرنا تقریباً ناممکن ہو گیا ہے، اس لیے صارفین کو اس تبدیلی کو اپنانا ہوگا۔

ایڈم موسیری نے امید ظاہر کی کہ اس مسئلے کا حل ‘رئیل میڈیا’ لیبل کی شکل میں سامنے آئے گا اور انسٹاگرام اس حوالے سے ٹولز تیار کرے گا۔