وینزویلا: (رائیٹ ناوٴ نیوز) امریکی صدر ڈونلڈ ٹرمپ نے وینزویلا کی اپوزیشن لیڈر ماریا کورینا ماچاڈو سے رابطہ نہ کرنے کا اعلان کیا ہے۔ یہ اعلان وینزویلا میں امریکی حملے اور صدر مادورو کی گرفتاری کے بعد سامنے آیا ہے۔

امریکا نے وینزویلا پر حملہ کرتے ہوئے صدر مادورو اور ان کی اہلیہ کو گرفتار کیا، جنہیں نیویارک منتقل کیا جا رہا ہے تاکہ ان کے خلاف منشیات اور دہشت گردی کے الزامات کے تحت مقدمہ چلایا جا سکے۔ امریکی صدر کا کہنا ہے کہ وینزویلا میں اقتدار کی منتقلی تک امریکا وہاں کی حکومت چلائے گا۔

صدر ٹرمپ نے اپنی نیوز کانفرنس میں ماچاڈو کو نظر انداز کرتے ہوئے کہا کہ ان کے پاس ملک کے اندر وہ عوامی حمایت نہیں جو قیادت کے لیے ضروری ہے۔ ماچاڈو نے ایڈمنڈو گونزالیز کی ملک کے نئے لیڈر کے طور پر حمایت کا اعلان کیا ہے اور 2024 کے انتخابات میں ان کی کامیابی کو تسلیم کیا ہے۔