کراکس: (رائیٹ ناوٴ نیوز) وینزویلا کے صدر نکولس مادورو کو امریکی افواج نے ہفتے کے روز کراکس میں کارروائی کے دوران گرفتار کر لیا۔ مادورو، جو تقریباً 12 برس سے اقتدار میں تھے، کو امریکی صدر ڈونلڈ ٹرمپ نے گرفتار کرنے کی تصدیق کی ہے۔

مادورو 23 نومبر 1962 کو پیدا ہوئے اور ان کے سیاسی کیریئر کا آغاز 1998 میں قومی اسمبلی کے رکن کی حیثیت سے ہوا۔ وہ وینزویلا کے وزیر خارجہ بھی رہے اور 2013 میں ہوگو شاویز کی وفات کے بعد صدر بنے۔

ان کے دور حکومت میں وینزویلا شدید معاشی بحران کا شکار رہا، جس کی وجہ سے لاکھوں شہری ملک چھوڑ گئے۔ مادورو کی حکومت پر کریک ڈاؤن، انتخابی بے ضابطگیوں اور انسانی حقوق کی خلاف ورزیوں کے الزامات عائد کیے گئے۔

2020 میں امریکا نے مادورو حکومت پر سخت پابندیاں عائد کیں اور ان پر بدعنوانی کے الزامات لگائے گئے۔ جنوری 2025 میں مادورو نے تیسری مدت کے لیے حلف اٹھایا، لیکن انتخابات کو متنازع قرار دیا گیا۔