نیویارک: (رائیٹ ناوٴ نیوز) نیویارک کے نئے میئر ظہران ممدانی نے اقتدار سنبھالتے ہی سابق میئر ایرک ایڈمز کے 26 ستمبر 2024 کے بعد جاری کردہ تمام احکامات منسوخ کر دیے۔ ان احکامات میں یہود دشمنی کی تعریف اور اسرائیل کے بائیکاٹ پر پابندیاں شامل تھیں۔

اسرائیل کی وزارتِ خارجہ نے ممدانی کے اس اقدام کو یہود دشمنی کی بھڑکتی ہوئی آگ قرار دیا ہے۔ انہوں نے ایکس پر کہا کہ ممدانی نے اپنا اصل چہرہ دکھایا ہے۔

کونسل آن امریکن اسلام ریلیشنز اور شہری آزادیوں کی تنظیموں نے اس فیصلے کا خیرمقدم کیا اور کہا کہ یہ آزادیٔ اظہار کو محدود کرنے والے قوانین کے خلاف ہے۔

واضح رہے کہ ممدانی نے قرآن مجید پر حلف اٹھایا اور برنی سینڈرز نے انہیں حلف دلوایا۔ ان کے اقدامات انہیں جرأت مند میئر کے طور پر پیش کرتے ہیں تاہم اسرائیل نواز حلقے تشویش میں مبتلا ہیں۔