شاہ رخ خان کی آئی پی ایل ٹیم میں بنگلہ دیشی کھلاڑی کی شمولیت پر بھارت میں شور مچ گیا ہے، جس پر شیو سینا اور بی جے پی نے اعتراض کیا ہے۔
نئی دہلی: (رائیٹ ناوٴ نیوز) بالی ووڈ اسٹار شاہ رخ خان کی آئی پی ایل ٹیم کولکتہ نائٹ رائیڈرز نے بنگلہ دیش کے فاسٹ بولر مستفیض الرحمان کو شامل کر لیا، جس پر بھارت میں شدید تنقید کی جا رہی ہے۔ شیو سینا اور بھارتیہ جنتا پارٹی کے رہنماؤں نے اس فیصلے پر اعتراض کیا ہے۔ بھارتی کرکٹ بورڈ نے وضاحت کی ہے کہ حکومت کی جانب سے کوئی ہدایت نہیں ملی۔
شیو سینا کے ترجمان آنند دوبے نے کہا کہ بنگلہ دیشی کھلاڑیوں کو بھارت میں کھیلنے کی اجازت نہیں ہونی چاہیے۔ بی جے پی رہنما سنگیت سوم نے شاہ رخ خان کو تنقید کا نشانہ بنایا۔ سابق کرکٹر محمد کیف نے صبر و تحمل کی اپیل کی ہے۔
مستفیض الرحمان کو آئی پی ایل نیلامی میں نو کروڑ بیس لاکھ روپے میں خریدا گیا ہے۔ ان کی شمولیت کے درمیان بنگلہ دیش اور بھارت کے تعلقات پہلے ہی خراب تھے، جن میں بنگلہ دیش میں ہندو شخص کی ہلاکت کے بعد مزید کشیدگی پیدا ہو گئی ہے۔
