کابل: (رائیٹ ناوٴ نیوز) افغانستان نے آئی سی سی مینز ٹی ٹوئنٹی ورلڈکپ 2026 کے لیے 15 رکنی اسکواڈ کا اعلان کر دیا ہے۔ لیگ اسپنر راشد خان ٹیم کی قیادت کریں گے جبکہ بھارت اور سری لنکا میں فروری میں منعقد ہونے والے ورلڈکپ کی تیاریوں کے لیے ویسٹ انڈیز کے خلاف تین میچوں کی سیریز بھی اسکواڈ کے حصہ ہوگی۔

فضل حق فاروقی اور گلبدین نائب، جو بنگلا دیش کے خلاف سیریز سے باہر تھے، دوبارہ ٹیم میں شامل کر لیے گئے ہیں۔ اسکواڈ میں ابراہیم زدران (نائب کپتان)، رحمان اللہ گرباز، محمد اسحاق، صدیق اللہ اٹل، درویش رسولی، شاہد اللہ کمال، عظمت اللہ عمرزئی، محمد نبی، نور احمد، مجیب الرحمان، نوین الحق، فضل حق فاروقی اور عبداللہ احمدزئی شامل ہیں۔

اے ایم غضنفر، اعجاز احمدزئی اور ضیاء الرحمان شریفی کو ریزرو کھلاڑیوں میں شامل کیا گیا ہے۔ افغانستان اور ویسٹ انڈیز کی سیریز 19 سے 22 جنوری تک متحدہ عرب امارات میں کھیلی جائے گی جبکہ ٹی ٹوئنٹی ورلڈکپ کا آغاز 7 فروری سے ہوگا۔