اسلام آباد: (رائیٹ ناوٴ نیوز) چیف آف ڈیفنس فورسز فیلڈ مارشل عاصم منیر نے کہا ہے کہ بھارت کی حمایت یافتہ عناصر کی جانب سے بلوچستان میں تشدد کا پروپیگنڈا جاری ہے۔ انہوں نے کہا کہ پاکستان کی علاقائی سالمیت کی کسی بھی بلاواسطہ یا بالواسطہ خلاف ورزی کا سخت اور فیصلہ کن جواب دیا جائے گا۔

آئی ایس پی آر کے مطابق، فیلڈ مارشل عاصم منیر سے بلوچستان کی 18ویں قومی ورکشاپ کے شرکاء نے ملاقات کی۔ ملاقات میں انہوں نے کہا کہ بھارتی اسپانسرڈ پراکیسز بلوچستان کی ترقی میں خلل ڈال رہی ہیں اور پاکستان کی مسلح افواج اپنے شہریوں کی جانوں کا تحفظ فراہم کرنے کا عزم کیے ہوئے ہیں۔

فیلڈ مارشل نے کہا کہ سکیورٹی فورسز صوبے کو دہشت گردی اور بے چینی سے نجات دلائیں گی جبکہ بلوچستان کی ترقی اور پاکستان کے لیے اس کی اسٹریٹجک اہمیت پر زور دیا۔ انہوں نے کہا کہ صوبے کے عوام کی حوصلہ مندی اور حب الوطنی قابل تعریف ہے اور وفاقی اور صوبائی حکومتیں عوامی مرکزیت کے ساتھ ترقیاتی منصوبے کر رہی ہیں۔

فیلڈ مارشل عاصم منیر کا کہنا تھا کہ ذاتی سیاسی ایجنڈوں کو مسترد کرنا ضروری ہے تاکہ بلوچستان کا مستقبل طویل مدتی خوشحالی پر مبنی ہو۔ انہوں نے مزید کہا کہ بھارتی حمایت یافتہ عناصر بے امنی اور ترقی میں رکاوٹ ڈال رہے ہیں اور پاکستان کی علاقائی سالمیت کی کسی بھی خلاف ورزی پر سخت اور فیصلہ کن جواب دیا جائے گا۔