2025 میں حیران کن ٹیک تجربات سوشل میڈیا پر وائرل ہوئے، جن میں کپڑے سے بنے اسپیکرز اور ایل ای ڈی بلب پر گیم چلانے کا تجربہ شامل ہیں۔
کراچی: (رائیٹ ناوٴ نیوز) 2025 کے دوران دنیا بھر میں ٹیکنالوجی کے میدان میں حیران کن تجربات سامنے آئے جنہوں نے ماہرین اور صارفین کو حیران کر دیا۔ ان تجربات میں جاپان میں کپڑے سے بنے اسپیکرز، ایل ای ڈی بلب پر مائن کرافٹ چلانے کا تجربہ، اور برطانیہ میں ای میلز ڈیلیٹ کرنے سے پانی بچانے کا دعوی شامل ہیں۔ فائبر آپٹک کیبل سے تیار کردہ انٹرنیٹ لباس اور پی ڈی ایف فائل میں لینکس آپریٹنگ سسٹم چلانے کا تجربہ بھی وائرل ہوا۔
ایک شخص نے Lambo.com ڈومین کروڑوں ڈالر میں بیچنے کی کوشش کی، لیکن کمپنی نے قانونی کارروائی کر کے اسے واپس لے لیا۔ میکڈونلڈز کی ویب سائٹ میں خامی نے مفت فوڈ آرڈرز ممکن بنا دیے، جبکہ الیکٹرک گاڑی کا چھت پر چلنے کا مظاہرہ ٹیکنالوجی کی حدود کی نشاندہی کرتا ہے۔
مصنوعی ذہانت کے چیٹ بوٹس نے آپس میں انوکھی زبان میں بات چیت کی، اور ایک روبوٹ لوگوں کو گھور کر ردعمل دینے کی صلاحیت رکھتا ہے۔ دیوار کے پار آواز سننے والی اے آئی، انسانی دماغی خلیات کرائے پر دینے کا تصور اور ڈی این اے میں کتاب محفوظ کرنے کا تجربہ بھی قابل ذکر ہیں۔ گھریلو پودے وائی فائی سگنلز کو متاثر کرتے ہیں اور انٹیل کے ٹیکسٹ کی شائستگی جانچنے والے اے آئی ٹول نے بھی توجہ حاصل کی۔
