ہرارے: (رائیٹ ناوٴ نیوز) پاکستان انڈر 19 نے سہ فریقی سیریز کے تیسرے میچ میں زمبابوے کو 355 رنز کا ہدف دیا۔ سمیر منہاس اور محمد عثمان کی شاندار سنچریوں کی بدولت پاکستان نے 50 اوورز میں 7 وکٹوں کے نقصان پر 354 رنز بنائے۔

زمبابوے نے ٹاس جیت کر پہلے فیلڈنگ کا فیصلہ کیا، جو ان کے لیے مہنگا ثابت ہوا۔ پاکستانی اوپنرز نے مضبوط آغاز دیا جس کی بدولت ٹیم نے بڑا اسکور کیا۔

سمیر منہاس نے 106 گیندوں پر 142 رنز بنائے، ان کی اننگز میں 17 چوکے اور 4 چھکے شامل تھے۔ محمد عثمان نے 112 گیندوں پر 121 رنز کی اننگز کھیلی، جس میں 12 چوکے اور 2 چھکے شامل تھے۔ حذیفہ احسن نے بھی 54 رنز کا تعاون دیا۔

پاکستانی اننگز میں سمیر منہاس اور محمد عثمان کی شاندار شراکت نے ٹیم کی کامیابی کی بنیاد رکھی۔