کراچی: (رائیٹ ناوٴ نیوز) 2025 میں پاکستان کی کئی مشہور شوبز شخصیات کی طلاقوں نے مداحوں کو حیران کر دیا۔ اس سال کے دوران کم از کم دس معروف جوڑوں نے علیحدگی کا اعلان کیا، جس میں کچھ رشتے اختتام پذیر ہوئے جبکہ بعض ابھی عدالتی مراحل سے گزر رہے ہیں۔

معروف گلوکار عاصم اظہر نے اداکارہ میرُب علی سے منگنی ختم کرنے کا اعلان کیا، جبکہ سینیئر اداکارہ زارا ترین نے پوڈکاسٹ میں اپنی مختصر شادی کا انکشاف کیا۔ اداکارہ شرمین حنا رضوی نے شوہر عمار احمد خان سے علیحدگی کا اعلان اپنی انسٹاگرام پوسٹ میں کیا۔

مزید برآں، ٹک ٹاکر ایمن زمان نے شوہر مجتبیٰ لاکھانی سے علیحدگی کا اعلان کیا اور سوشل میڈیا سے ان کے ساتھ لی گئی تصاویر ہٹا دیں۔ اداکارہ سارہ عمر نے نو سال بعد شوہر محسن طلعت سے راہیں جدا کرلیں اور ریئلٹی شو میں شرکت کی۔

عبیر اسد اور سبحان عمیس کا رشتہ شادی کے صرف سات مہینے بعد ختم ہوگیا۔ اداکارہ خوشبو نے ارباز خان سے علیحدگی کی تصدیق کی۔ ٹک ٹاکر سحر حیات نے شوہر سمیع رشید سے طلاق کی تصدیق کی۔

اداکارہ انوشے عباسی نے چھ سال قبل اپنی طلاق کا انکشاف کیا، جبکہ سابق کرکٹر عماد وسیم نے اہلیہ ثانیہ اشفاق سے علیحدگی کا اعلان کیا۔ ان طلاقوں نے شوبز کے ساتھ عام معاشرتی بحث کو بھی جنم دیا۔