لاہور: (رائیٹ ناوٴ نیوز) لاہور کے ڈاکٹر علی زین العابدین نے پولیس افسر شہر بانو نقوی پر الزام لگایا ہے کہ انہوں نے مریضہ کو لاکھوں روپے دلوائے۔ تاہم، ایس پی شہر بانو نقوی نے ان الزامات کی تردید کی ہے۔

ڈاکٹر علی زین نے کہا کہ ان کی مریضہ کی آنکھ کی لیزر سرجری اپریل میں کی گئی تھی، جو کامیاب تھی، لیکن پولیس نے کہا کہ آپریشن صحیح نہیں ہوا اور انہیں مریضہ کو رقم واپس کرنے کا کہا۔

ڈاکٹر کا دعویٰ ہے کہ پولیس کے دباوٴ پر انہوں نے مریضہ کو مزید دس لاکھ روپے کے تین چیکس دیے، جن میں سے ایک کیش ہو چکا ہے۔

ایس پی شہر بانو نقوی نے الزامات کو مسترد کرتے ہوئے کہا کہ ڈاکٹر علی زین سے صرف مریضہ سے معاملات طے کرنے کے لیے کہا گیا تھا۔