ملبورن: (رائیٹ ناوٴ نیوز) انگلینڈ کرکٹ ٹیم کے کپتان بین اسٹوکس نے ایم سی جی کی پچ پر کڑی تنقید کی ہے، جہاں انگلینڈ نے ایشز سیریز کا چوتھا میچ صرف دو دن میں جیت لیا۔ اسٹوکس نے کہا کہ اگر ایسی پچ دنیا کے کسی اور حصے میں دی جاتی تو کہرام مچ جاتا۔

ہفتے کے روز انگلینڈ کی ٹیم نے آسٹریلیا میں جاری ایشز سیریز کا چوتھا میچ محض دو دنوں میں جیتا۔ آخری بار 1912 میں ہونے والی ایشز سیریز میں ایک سے زیادہ ایسے ٹیسٹ میچز ہوئے تھے جو دو دن میں ختم ہوئے۔

اس میچ میں پچ کی سِیم کی وجہ سے بیٹرز کو مشکلات کا سامنا رہا، اور آسٹریلیا میں 1932 کے بعد یہ پہلا ٹیسٹ تھا جس میں کوئی بیٹر 50 رنز نہیں بنا سکا۔

بین اسٹوکس نے کہا کہ یہ میچ وہ نہیں تھا جو آپ چاہتے ہیں۔ ایک ایسا گیم جو دو دن سے کم وقت میں ختم ہوجائے، کھیل کے لیے اچھی چیز نہیں ہے، جو پانچ دن تک جاری رہنا چاہیے۔