لاہور: (رائیٹ ناوٴ نیوز) وزیر اعلیٰ خیبرپختونخوا سہیل آفریدی نے پی ٹی آئی کے سینئر رہنما شاہ محمود قریشی کے گھر کا دورہ کیا۔

اس موقع پر شاہ محمود قریشی کے بیٹے زین قریشی نے انہیں اجرک پہنا کر خوش آمدید کہا جبکہ ان کی بیٹی مہربانو قریشی بھی موجود تھیں۔

سہیل آفریدی نے میڈیا سے گفتگو کرتے ہوئے کہا کہ پاکستان میں جہاں چاہوں جا سکتا ہوں اور مجھے گھومنے کے لیے کوئی جواز نہیں چاہیے۔

انہوں نے کہا کہ میں لاہور تنظیمی دوستوں سے ملنے آیا ہوں، جیل میں قید قیادت سے ملنے کی درخواست کی تھی لیکن جواب نہیں ملا۔

وزیر اعلیٰ نے مزید کہا کہ انہیں عمران خان یا پارٹی قیادت سے ملنے نہیں دیا جا رہا اور حکومت سے ڈائیلاگ کی ذمہ داری تحریک تحفظ آئین پر ہے۔