اسلام آباد: (رائیٹ ناوٴ نیوز) پاکستانی چاول کی برآمدات میں جولائی تا نومبر 2025-26 میں 40.02 فیصد کمی دیکھی گئی ہے۔ عالمی مارکیٹ میں بھارتی چاول کی کم قیمتوں نے پاکستانی چاول کی قیمت میں غیر مسابقتی بنادیا ہے، جس کے نتیجے میں برآمدات متاثر ہو رہی ہیں۔

پاکستان بیورو آف شماریات کے مطابق اس مدت میں آئی آر آر آئی 6 اور 9 (غیر باسمتی چاول) کی برآمدات میں 39.70 فیصد جبکہ باسمتی چاول کی برآمدات میں 41.79 فیصد کمی واقع ہوئی ہے۔

چاول برآمد کنندگان ایسوسی ایشن کے نائب صدر محمد جاوید جیلانی کے مطابق، بین الاقوامی مارکیٹ میں بھارتی چاول کی قیمت کم ہے جبکہ پاکستانی چاول کی قیمت زیادہ ہونے کی وجہ سے اس کی مانگ میں کمی آ رہی ہے۔

ارفع حبیب کموڈیٹیز کے سی ای او احسان مہنتی نے بتایا کہ قدرتی آفات اور بین الاقوامی مارکیٹ میں نرم اجناس کی قیمتوں میں کمی نے بھی برآمدی حجم میں کمی کا سبب بنا۔

پالیسی ریسرچ اینڈ ایڈوائزری کونسل کے ڈاکٹر اسامہ احسن خان نے کہا کہ مقامی پالیسیوں اور بھارتی چاول پر عائد پابندیوں کے خاتمے نے بھی بین الاقوامی مسابقت کو بڑھا دیا ہے۔