پاکستانی انڈر 19 ٹیم کل ہرارے میں افغانستان کے خلاف پہلا میچ کھیلے گی۔
ہرارے: (رائیٹ ناوٴ نیوز)ہرارے میں جاری تین ملکی کرکٹ سیریز میں پاکستانی انڈر 19 ٹیم کل اپنا پہلا میچ افغانستان کے خلاف کھیلے گی۔ ٹیم لمبے سفر کے بعد ہرارے پہنچی ہے اور فرحان یوسف کی قیادت میں ایشیا کپ کی فاتح ٹیم میدان میں اترے گی۔
سیریز کا پہلا میچ افغانستان اور زمبابوے کے درمیان ہوا، جو بارش کی مداخلت کے باعث بغیر کسی نتیجہ کے ختم ہو گیا۔
فائنل چھ جنوری کو طے ہے جس کے بعد پاکستانی انڈر 19 ٹیم ورلڈ کپ میں حصہ لے گی، جو زمبابوے اور نمیبیا میں منعقد ہو رہا ہے۔
