کراچی: (رائیٹ ناوٴ نیوز) 2025 میں پاکستانی شوبز انڈسٹری نے کئی معروف ستارے کھو دیے، جن میں نمایاں عائشہ خان اور حمیرا اصغر کی اچانک موتیں شامل ہیں۔ عائشہ خان کی لاش 20 جون کو کراچی کے علاقے گلشن اقبال میں ان کے فلیٹ سے ملی، جبکہ 8 جولائی کو اداکارہ حمیرا اصغر کی ناقابل شناخت لاش ڈیفنس کے فلیٹ سے برآمد ہوئی۔

کامیڈین جاوید کوڈو اپریل میں طویل علالت کے بعد انتقال کر گئے، جبکہ 3 مئی کو اداکارہ ایمان علی کی والدہ حمیرا عابد بھی خالق حقیقی سے جا ملیں۔ 30 ستمبر کو کامیڈین لکی ڈیئر لاہور میں وفات پا گئے، انور علی یکم ستمبر کو، اور چوہدری کامران اعجاز 4 نومبر کو انتقال کر گئے۔

سینئر فلم رائٹر محمد کمال پاشا 3 اکتوبر کو طویل علالت کے بعد رخصت ہو گئے۔ ان شخصیات کی وفات شوبز انڈسٹری کے لیے ناقابل تلافی نقصان رہی، اور ان کا فن و خدمات ہمیشہ یاد رکھی جائیں گی۔