تنزانیہ میں ماؤنٹ کلیمنجارو پر ریسکیو ہیلی کاپٹر گر کر تباہ، 5 افراد ہلاک ہوگئے جن میں دو غیر ملکی سیاح بھی شامل ہیں۔
تنزانیہ: (رائیٹ ناوٴ نیوز) تنزانیہ کے ماؤنٹ کلیمنجارو پر ایک ریسکیو ہیلی کاپٹر حادثے کا شکار ہوگیا، جس میں 5 افراد ہلاک ہوگئے۔
یہ ہیلی کاپٹر دو غیر ملکی سیاحوں کو پہاڑ سے نکال کر واپس آ رہا تھا جب حادثہ پیش آیا۔ تمام ہلاک شدگان میں دو غیر ملکی سیاح شامل تھے، جن کا تعلق چیک جمہوریہ سے تھا، جبکہ مقامی ڈاکٹر، ٹور گائیڈ اور پائلٹ بھی شامل ہیں۔
حادثہ کلیمنجارو کے مشہور سیاحتی راستے پر بارافو کیمپ اور کیبو سمٹ کے درمیان پیش آیا۔ پولیس کے مطابق ہیلی کاپٹر کلیمنجارو ایوی ایشن کمپنی کا تھا جو طبی امداد کی خدمات فراہم کرتا ہے۔
تاحال حادثے کی وجہ معلوم نہیں ہوسکی۔ تنزانیہ سول ایوی ایشن اتھارٹی نے بین الاقوامی حفاظتی ضوابط کے تحت تحقیقات کا آغاز کر دیا ہے۔
