میلبرن میں محققین نے نیا طریقہ کار تیار کیا ہے جو کینسر زدہ خلیات کو ہدف بناتا ہے۔ یہ طریقہ نینو ڈاٹس کے استعمال سے خلیات کو ختم کرتا ہے۔
میلبرن: (رائیٹ ناوٴ نیوز) محققین نے کینسر کے علاج کے لیے ایک نیا طریقہ کار تیار کیا ہے جو جدید ٹیکنالوجی کا استعمال کرتے ہوئے صرف کینسر زدہ خلیات کو ہدف بناتا ہے، جبکہ صحت مند بافتوں کو نقصان نہیں پہنچاتا۔ آر ایم آئی ٹی یونیورسٹی کی ٹیم کے مطابق، یہ طریقہ کار ‘نینو ڈاٹس’ نامی دھاتی ذرات کا استعمال کرتا ہے جو کینسر زدہ خلیات کو نشان زد کر کے ختم کر سکتا ہے۔
یہ تحقیق فی الحال ابتدائی مراحل میں ہے اور تجربہ گاہ میں بنے خلیوں پر آزمائی جا رہی ہے۔ ڈاکٹر باؤیوے ژینگ کا کہنا ہے کہ یہ طریقہ کینسر زدہ خلیات کے تناؤ کو بڑھاتا ہے، جس سے خلیات خود تباہ ہونے لگتے ہیں۔
تحقیق کے نتائج نئے مؤثر علاج کی جانب اشارہ کرتے ہیں جو کینسر کے سیلز کی کمزوریوں کو واضح کر سکتا ہے۔
