پشاور: (رائیٹ ناوٴ نیوز) وزیراعلیٰ خیبرپختونخوا سہیل آفریدی نے کہا کہ ہم نے ہمیشہ آئین اور قانون کے دائرے میں رہ کر جدوجہد کی ہے اور آئین ہمیں پُرامن احتجاج کا حق دیتا ہے جو ہم ہر صورت استعمال کریں گے۔

وزیراعلیٰ نے انصاف اسٹوڈنٹس فیڈریشن سے خطاب میں کہا کہ ملک دشمن سیاسی جماعتوں نے اقتدار کی خاطر ہمیشہ اداروں اور جمہوریت کو نقصان پہنچایا ہے۔ سازشی عناصر نوجوانوں کو اشتعال دلانے کی کوشش کریں گے، لیکن ان کا فوکس نہ ہٹائیں۔ نوجوانوں کو ملک دشمن بیانیے اور منفی پروپیگنڈے سے ہوشیار رہنا ہوگا۔

سہیل آفریدی نے مزید کہا کہ غلط سیاسی کلچر اور انتشار کی سیاست انہی کرپٹ عناصر نے متعارف کروائی ہے۔ حقیقی آزادی کی جدوجہد آئین اور قانون کے دائرے میں رہ کر جاری رہے گی اور بانی کی اگلی کال تک ہر سطح پر مکمل تیاری ہمارا ہدف ہے۔