اسلام آباد: (رائیٹ ناوٴ نیوز)

وفاقی وزیر داخلہ محسن نقوی کی زیر صدارت اجلاس میں وفاقی حکومت نے تمام صوبوں کو نیشنل ایکشن پلان پر جلد عملدرآمد کرنے کی ہدایت کی ہے۔ اجلاس میں وزیراعلیٰ سندھ نے بھی صوبائی محکموں کو فوری عملدرآمد کا حکم دیا۔

اجلاس میں فیصلہ کیا گیا کہ انتہا پسندی کے واقعات کے خاتمے کے ایکٹ پر عملدرآمد کیا جائے اور سیاسی رہنما عوام میں انتہا پسندی کے خلاف بیداری سرگرمیوں کو تیز کریں۔ ریاست مخالف انارکی پھیلانے والوں کو سزائیں دی جائیں اور مدارس و مساجد میں اصلاحات لائی جائیں۔

حکومت سندھ نے تمام ڈپٹی کمشنرز کو مدارس اور مساجد کی رجسٹریشن کی ہدایت دی ہے جبکہ مذہبی انتشار پھیلانے والوں کے خلاف کارروائی کی بھی ہدایت کی گئی ہے۔