اسلام آباد: (رائیٹ ناوٴ نیوز) وزیراعظم شہباز شریف نے کہا ہے کہ پی ٹی آئی کے ساتھ مذاکرات کے لیے تیار ہیں، لیکن بلیک میلنگ کسی صورت قبول نہیں کی جائے گی۔ منگل کو وفاقی کابینہ کے اجلاس میں ملکی سیاسی اور اقتصادی امور پر غور کیا گیا۔

وزیراعظم نے اجلاس میں پی ٹی آئی کو مذاکرات کی دعوت دینے کا اعادہ کیا اور کہا کہ سیاسی جماعتوں کے درمیان ہم آہنگی ملکی خوشحالی کے لیے ضروری ہے۔

اجلاس میں پی آئی اے کی نجکاری کے حوالے سے بھی بات ہوئی، جسے ملکی تاریخ کی سب سے بڑی نجکاری قرار دیا گیا۔ وزیراعظم نے نجکاری کے عمل کو شفاف بنانے پر زور دیا۔

شہباز شریف نے سعودی عرب میں فیلڈمارشل کو کنگ عبدالعزیز ایوارڈ ملنے کو قوم کے لیے اعزاز قرار دیا۔ انہوں نے پی ٹی آئی سے اسمبلی میں مذاکرات کی دعوت بھی دی، لیکن بلیک میلنگ کی مخالفت کی۔