کراچی: (رائیٹ ناوٴ نیوز) جماعت اسلامی کے امیر حافظ نعیم الرحمان نے کہا ہے کہ مولانا مودودی نے جہاد کے تصور اور منظم جماعت کی بنیاد رکھ کر تاریخ ساز کارنامہ انجام دیا۔ ان کا کہنا تھا کہ جماعت کی عملی اہمیت بھی اتنی ہی ضروری ہوتی ہے۔

حافظ نعیم الرحمان نے کہا کہ چالیس سال تک جدوجہد کرنے والوں کو جماعتوں میں مقام نہیں دیا جاتا۔ انہوں نے سعد رفیق کی مثال دیتے ہوئے کہا کہ مشکل وقت میں ان کی یاد آجاتی ہے۔

انہوں نے پنجاب حکومت پر تنقید کرتے ہوئے کہا کہ غیر جمہوری رویوں کے خلاف پنجاب حکومت کا اپنا ریکارڈ موجود ہے۔ حافظ نعیم الرحمان کا کہنا تھا کہ بڑے ہوں یا چھوٹے سب ہی فارم 47 والے ہیں۔

حافظ نعیم الرحمان نے تعلیمی پالیسی پر کہا کہ سرکاری اسکولوں کو آؤٹ سورس کرنا ناکام حکمت عملی کا ثبوت ہے۔ انہوں نے بنگلہ دیش میں جماعت اسلامی کے رہنماؤں کی پھانسیوں کا ذکر کرتے ہوئے کہا کہ وہاں جماعت نے صبر اور جمہوری جدوجہد کا راستہ اختیار کیا۔

حافظ نعیم الرحمان نے مولانا مودودی کی فکر کو موجودہ حالات میں منظم جدوجہد کے لیے رہنمائی قرار دیا۔