لاہور: (رائیٹ ناوٴ نیوز) سابق وفاقی وزیر شیخ رشید نے لاہور ہائیکورٹ راولپنڈی بینچ کے باہر میڈیا سے گفتگو کرتے ہوئے کہا ہے کہ انہیں اللہ پر مکمل یقین ہے کہ وہ کیس جیتیں گے اور پھر عمرے پر جائیں گے۔

شیخ رشید نے مزید کہا کہ انہیں عمرہ پر جانے سے روکا گیا تھا کیونکہ حکومت نے اس کے خلاف رٹ دائر کی تھی۔ تاہم حکومت نے ابھی تک کوئی جواب جمع نہیں کرایا۔

عدالت نے کیس کو چھٹیوں کے بعد کی تاریخ کے لیے ملتوی کردیا ہے۔ اس سے قبل عدالت میں شیخ رشید کی عمرے پر جانے کے لیے دائر درخواست پر سماعت ہوئی تھی، جس میں ان کے وکلاء بھی پیش ہوئے۔ عدالت نے سماعت کے دوران جلد سماعت کی اپیل پر اعتراضات ختم کر دیے تھے۔

پراسیکیوشن نے جواب جمع کرانے کے لیے وقت طلب کیا، جس کے بعد عدالت نے سماعت چھٹیوں کے بعد تک ملتوی کر دی۔