ممبئی: (رائیٹ ناوٴ نیوز) بھارت کے مشہور کامیڈین ذاکر خان نے بولی وڈ کی معروف شخصیت جاوید اختر کی کامیڈی کے انداز پر کی گئی تنقید پر معتدل جواب دیا ہے، جو وائرل ہو گیا۔

جاوید اختر نے گزشتہ سال عوامی نشست میں کہا تھا کہ بعض اوقات گالی یا سخت زبان کا استعمال گفتگو میں وزن کی کمی کو پورا کرنے کے لیے کیا جاتا ہے۔ ان کے مطابق جیسے پھیکے کھانے میں مرچ ذائقہ بڑھانے کے لیے ڈالی جاتی ہے، ویسے ہی زبان کی تلخی مواد میں جان ڈالنے کے لیے سمجھی جاتی ہے۔

ذاکر خان نے ایک انٹرویو میں جاوید اختر کی تنقید کو تسلیم کرتے ہوئے کہا کہ ہر فنکار کا اظہار مختلف ہوتا ہے اور کسی ایک اصول پر نہیں چلنا چاہیے۔ انہوں نے مزید کہا کہ وقت کے ساتھ لوگ اپنے اظہار میں نرمی لا سکتے ہیں اور اپنی حدیں متعین کر سکتے ہیں۔