اسلام آباد: (رائیٹ ناوٴ نیوز) 2025 کے دوران مہنگائی کی اوسط شرح 4 فیصد رہی جبکہ حکومت نے دعویٰ کیا کہ یہ گزشتہ سات برسوں کی نسبت کم ہے۔ ادارہ شماریات کے اعدادوشمار کے مطابق 2025 میں مہنگائی کی کم سے کم شرح 0.3 فیصد اور زیادہ سے زیادہ شرح 6.2 فیصد رہی، جبکہ 2024 میں یہ اوسط 12 فیصد تھی۔

مہنگائی ماپنے کا پیمانہ 51 اشیائے ضروریہ کی قیمتوں میں اتار چڑھاؤ کا موازنہ ہے۔ عام آدمی کو مہنگائی کا اثر محسوس ہوتا رہا جبکہ حکومت کا دعویٰ ہے کہ مہنگائی کی شرح کم ہوئی ہے۔

جنوری 2025 میں 20 کلو آٹے کا تھیلا 2200 روپے تھا جو دسمبر میں 2550 روپے تک پہنچ گیا۔ انڈے، کوکنگ آئل، دال مسور، ٹماٹر اور چینی کی قیمتوں میں اضافہ ہوا، جبکہ آلو، پیاز اور ٹماٹر کی قیمتیں کچھ کم ہوئیں۔

رواں برس مہنگائی میں حکومت کے مطابق 5 سے 6 فیصد اضافہ ہوا، تاہم کم از کم اجرت میں اضافہ نہیں کیا گیا۔ 2025 معاشی خوشحالی کا سال نہیں تھا لیکن 2026 کے لیے حکومتی اقدامات کی امید ہے۔