اسلام آباد: (رائیٹ ناوٴ نیوز) ڈسٹرکٹ اینڈ سیشن کورٹس اسلام آباد نے پیپلز پارٹی کے مقامی رہنما راجہ ناصر حنیف سمیت 4 افراد کے قتل کیس میں 12 ملزمان کو عمر قید کی سزا سنائی ہے۔

عدالت کے مطابق مقتول راجہ ناصر حنیف اور ملزمان کے درمیان جائیداد کا تنازع تھا، جس کی بناء پر یہ قتل ہوا۔ عدالت نے مزید کہا کہ تمام سزا یافتہ ملزمان نے مشترکہ طور پر قتل میں حصہ لیا، جس کی وجہ سے انہیں سخت سزائیں سنائی گئیں۔

ایڈیشنل اینڈ سیشن جج عصمت اللہ نے کیس میں 12 ملزمان کو عمر قید کے علاوہ 16 سال قید اور جرمانے کی سزا بھی دی، جبکہ 3 ملزمان کو عدم ثبوت کی بنیاد پر بری کر دیا گیا۔