اسلام آباد: (رائیٹ ناوٴ نیوز)اسلام آباد کے مختلف علاقوں میں گرج چمک کے ساتھ بارش سے موسم خوشگوار ہو گیا اور  خشک سردی سے نجات مل گئی ہے۔ وقفے وقفے سے اسلام آباد میں موسم سرما کی بارش کل سے جاری ہے۔

بلیو ایریا، زیرو پوائنٹ، جی سیون اور ایف سیون میں بارش ریکارڈ کی گئی، جبکہ کشمیر ہائی وے اور ڈی چوک کے اطراف میں ہلکی سے درمیانی بارش کا سلسلہ جاری رہا جس سے سڑکیں تر ہو گئیں۔

مغربی ہواؤں کا سلسلہ کشمیر سمیت گلگت اور ملحقہ بالائی خیبرپختونخوا اور مضافاتی علاقوں کو متاثر کر رہا ہے جس کے باعث وقفے وقفے سے بارش اور پہاڑوں پر شدید برفباری کا سلسلہ جاری ہے۔ مختلف موسمیاتی اسٹیشنز سے موصول ہونے والے بارش کے نمایاں اعداد و شمار (ملی میٹر میں) درج ذیل ہیں:

​ پنجاب اور وفاقی دارالحکومت اسلام آباد:

​اسلام آباد (بحریہ انکلیو): 8.6 ملی میٹر

​راولپنڈی (کار چوک): 8.0 ملی میٹر

​راولپنڈی (عسکری 14) / اسلام آباد (فراش ٹاؤن): 7.4 ملی میٹر