دبئی: (رائیٹ ناوٴ نیوز) پاکستان انڈر 19 ٹیم نے ایشیا کپ کے فائنل میں بھارت کو 191 رنز سے شکست دے کر ٹائٹل اپنے نام کر لیا۔ سمیر منہاس کے 172 رنز کی بدولت پاکستان نے بھارت کو 348 رنز کا ہدف دیا، جس کے تعاقب میں بھارتی ٹیم 156 رنز پر ڈھیر ہو گئی۔ علی رضا نے 4 وکٹیں حاصل کیں جبکہ محمد صیام، عبد السبحان اور حذیفہ احسن نے 2، 2 وکٹیں لیں۔

اس کامیابی کے بعد سوشل میڈیا پر سابق کپتان سرفراز احمد کی تعریفیں ہوئیں۔ سرفراز نے انڈر 19 ٹیم کے مینٹور کی حیثیت سے اہم کردار ادا کیا اور ان کے تجربے کی بدولت پاکستان نے بھارت کو شکست دی۔ سرفراز احمد کی قیادت میں پاکستان نے 2006 کے انڈر 19 ورلڈکپ اور 2017 کی چمپئنز ٹرافی کے فائنل میں بھی بھارت کو ہرایا تھا۔

سوشل میڈیا پر سرفراز احمد کو سینئر ٹیم کا مینٹور بنانے کی تجاویز سامنے آئیں۔ چیئرمین پی سی بی محسن نقوی سے مطالبہ کیا گیا کہ سرفراز کو ٹی 20 ورلڈکپ کے لیے بھی مینٹور منتخب کریں۔