کراچی: (رائیٹ ناوٴ نیوز) جے یو آئی کے سربراہ مولانا فضل الرحمان نے کہا ہے کہ مدرسوں کے حوالے سے انگریز دور کی سوچ آج بھی برقرار ہے۔ انہوں نے کہا کہ دینی مدارس میں نوجوانوں کی صلاحیتوں کو محدود کرنے کی کوشش کی جا رہی ہے۔

کانفرنس سے خطاب کرتے ہوئے مولانا فضل الرحمان نے کہا کہ دینی مدارس کا نوجوان معاشرے میں فعال کردار ادا نہیں کر سکتا۔ ان کا کہنا تھا کہ 1857 سے پہلے برصغیر میں اس نوعیت کے مدارس نہیں تھے۔ جب علی گڑھ میں مدرسہ کھولا گیا تو انگریز حکمرانوں نے نصاب میں تبدیلی کی۔

مولانا فضل الرحمان نے کہا کہ برصغیر کے علمائے کرام نے اسلام کی حفاظت کی ذمہ داری لی۔ انہوں نے کہا کہ ہم ہمیشہ ایک تعلیم اور نصاب کی بات کرتے ہیں اور دینی مدارس کے خلاف کوئی سازش کامیاب نہیں ہونے دیں گے۔