لاہور: (رائیٹ ناوٴ نیوز) پی سی بی کے چیئرمین محسن نقوی نے انڈر 19 ایشیا کپ جیتنے والی ٹیم کے لیے بڑا انعام دینے کا اعلان کیا ہے۔

ان کے مطابق، بھارت کے خلاف فائنل میں جیتنے والی ٹیم کے ہر کھلاڑی کو 50 لاکھ روپے دیے جائیں گے۔ محسن نقوی نے کھلاڑیوں سے ملاقات میں ان کا حوصلہ بڑھایا اور ان کے کھیل کی تعریف کی۔

انہوں نے کھلاڑیوں کو یقین دہانی کرائی کہ ان کی میڈیکل سمیت ہر ضرورت پوری کی جائے گی۔

یہ یاد رہے کہ دبئی میں منعقدہ اے سی سی انڈر 19 ایشیا کپ کے فائنل میں پاکستان نے بھارت کو 191 رنز سے شکست دی۔