اسلام آباد: (رائیٹ ناوٴ نیوز) وزیر اعلیٰ خیبر پختونخوا سہیل آفریدی نے کہا ہے کہ ایک صوبے کو تمام وسائل دیے جا رہے ہیں جبکہ دوسرے صوبے کو کچھ نہیں مل رہا۔

کانفرنس سے خطاب کرتے ہوئے سہیل آفریدی نے بتایا کہ 4758 ارب روپے وفاق پر واجب الادا ہیں، اور ایک وزیراعلیٰ کو پیسے فراہم کیے جاتے ہیں جبکہ مجھے اڈیالہ کے باہر ایک پولیس اہلکار روک دیتا ہے۔

وزیر اعلیٰ نے کہا کہ ملک مقروض ہو رہا ہے اور 36 ہزار ارب روپے کا قرضہ دینا ہے۔

انہوں نے مزید کہا کہ ہم سوال بھی کریں گے اور اپنے حق کے لیے کھڑے بھی ہوں گے، آزاد عدلیہ و میڈیا کی بحالی کے لیے ہم اپوزیشن الائنس کے ساتھ کھڑے ہیں۔