اینٹارکٹیکا: (رائیٹ ناوٴ نیوز) اینٹارکٹیکا کے چن-اسٹریپ پینگوئنز کی 4 سیکنڈ کی نیند نے سائنسدانوں کو حیرت میں ڈال دیا ہے۔ تحقیق کے مطابق یہ پینگوئنز والدین کی ذمہ داریوں اور شکار کے دوران مختصر ”مائیکرو سلیپس” لیتے ہیں، جس سے وہ اپنے بچوں کی دیکھ بھال کر سکتے ہیں۔

کوریائی پولر ریسرچ انسٹی ٹیوٹ کے حیاتیات دان وون یانگ لی کے مطابق یہ مختصر وقفے پینگوئنز کو ہجوم والے کالونی میں ہفتوں تک بچوں کی دیکھ بھال کرنے کے قابل بناتے ہیں۔ وہ اپنے دماغ کے ایک یا دونوں نصف کرہ کو باری باری نیند میں ڈال کر اپنی ذمہ داری پوری کرتے ہیں۔

جرمنی کے میکس پلانک انسٹی ٹیوٹ کے محقق نیلس رٹنبورگ نے کہا کہ جانور اپنی نیند کو ماحول کے مطابق لچکدار بناتے ہیں۔ اس نئی تحقیق نے حیوانی نیند کی لچک اور تنوع کو اجاگر کیا ہے۔